Mahmut Gazi Yaşargil

Mahmut Gazi Yaşargil 6 iyul 1925-ci ildə Türkiyədə anadan olub. 1931-1943-cı illərdə Türkiyənin Ankara şəhərində orta məktəbi və universiteti bitirib. 1944-cü ilin yanvarından 1945-ci ilin fevralına kimi Almaniyanın Fridrix von Schiller Universitetində Tibb Fakültəsində 2 semestr təhsil alıb. 1945-ci ilin mayından 1949-cu ilin dekabrına kimi İsveçrənin Basel Universitetində Tibb Fakültəsində 10 semestr təhsil alıb. 1950-ci ilin martın 2-də Basel Universitetində tibb doktoru dərəcəsini almışdır.1951-1952-ci illərdə İnterlaken Xəstəxanasında daxili xəstəliklər və ümumi cərrahlıq üzrə resident vəzifəsində çalışmışdır.1952-ci ilin noyabr və dekabr aylarında Basel Universitetinin Anatomiya kafedrasında neyroanatomiya sahəsində tədqiqat işi aparmışdır. 1953-1973-cü illərdə İsveçrənin Sürix Universitetində müxtəlif vəzifələrdə çalışmışdır. 1973-ci ildə professor və Neyrocərrahiyyə departmentinin müdiri olmuşdur. 1965-67-cı illərdə ABŞ-da Vermont universitetində (Burlington`da) işləmişdir. 1994-cü ildə etibarən Amerikada, əsasən Arkansas universitetinin tibb fakültəsində çalışmış, neyrocərrahiyyə üzrə araşdırmalar aparmış və dərs demişdir. 7500 cərrahiyyə əməliyyatları aparmış, 3000-dən çox peşəkar cərraha öz sənətinin sirrlərini öyrətmişdir. Özü düzəıltdiyi tibbi alətlərlə beyində əməliyyatlar aparmışdır. Çoxsaylı mükafatlara, medallara və fəxri adlara layiq görülmüşdür. 1999-cu ildə “Neurosurgery” dərgisi tərəfindən ənənəvi Neyrocərrahlar Konqresinin illik toplantısında “1950-1999-cu illər dövrünün neyrocərrahı” elan edilmişdir. Professor Mahmud Gazi Yaşargil 2014-cü ildə vətənə geri dönmüşdür. Hazırda İstanbulda, Yedditəpə Univeristetinin Beyin cərrahiyyəsi şöbəsinə rəhbərlik edir.

Also for patient once the patient understands the problem he has which most common among them. http://raindogscine.com/?attachment_id=164 levitra 60 mg

Üç ölkənin fəxri vətəndaşıdır (Türkiyə, Argentina və ABŞ (Texas)). 13 monoqrafiya olmaqla, 340-a qədər elmi əsəri vardır. 41 monoqrafiya və dərs vəsaitinin həmmüəllifidir.

Mükafatları:

· İsveçrə Oftalmologiya Assosiasiyasının Vogt Mükafatı (1957);

· İsveçrə Tibb Elmləri Akademiyasının Robert-Bing Mükafatı (1968);

· İsveçrə Federasiyasının Marcel-Benoist Mükafatı (1976);

· Beynəlxalq Mikrocərrahlar Cəmiyyətinin Pioner Mikrocərrah Mükafatı,

(Sidney, Avstraliya,) (1981);

· Di Napoli e della Compagna Universiteti (Fəxri Medal) (1988);

· Türkiyə Cumhuriyyətinin Tibb Mükafatı (1992);

· Neyrocərrahlıq Cəmiyyətlərinin Dünya Federasiyasının Qızıl Medalı (1997);

· Əməkdar elm xadimi, Arkanzas Tibb Elmləri Universiteti (1998);

· Braziliya Neyrocərrahlıq Cəmiyyətinin “Əsrin neyrocərrahı” Mükafatı (1998);

· Nevroloji Cərrahların Avropa Assosasiyasının Şərəf medalı (1999);