Maket və eskiz ilə təqdim edilmiş Avrasiya kubokunun hazırda müvafiq, seçilmiş istehsal müəssisəsində yekun hazıırlıq prosesi gedir.
Kubok Avrasiya Akademiyasının (Avrasiya Akademiyasının üzvü H.İ-nin) şərtləri və tövsiyyəsi əsasında bilik, mədəniyyət, elm, müdriklik təmsil edən milli və müasir atrebutların vəhdətindən ibarət olmalı idi.
Təqdim olunan eskiz və maketdən göründüyü kimi, kubok iki hissədən – şəffaf büllur dekorativ vazdan və yuxarıda sadalanan atrebutları əks etdirən qızılı metal başlıqdan ibarətdir.
Ölçüləri hündürlüyü-38sm, en dm- 8 sm, 12 sm. olan kubokun metal hissəsi, vazanın üzərini örtən təsviri sənət rəmzi kimi palitraya sıxılmış boyaları xatırladan müxtəlif rəngli daşlarla bəzədilmişdir. Onun üzərində elm və təhsilin atrebutu kimi varaqları açılmış qanadlı kitab, musiqi aləminin simvolu kimi cəng-lira təsvir edilmişdir. Elementlərin hər birində bəzən stilizə olunmuş milli ornamentlər işlənmişdir.
Qum saatı formasında hazırlanmış vazanın daxilində qızılı qum süzülür.
Qum saatı funksiyasını daşıyan kubokun üzərində cızılmış butaların çərxi istiqamətdə gəlimli gedimli olması və yenidən təkrarlanması əbədiyyətin rəmzi mənası kimi işlənmişdir.
